ဧပြီ ၁၇ ရက်နေ့ နှစ်ဆန်း ၁ ရက်နေ့က ဘင်္ဂလားဒေ့ရ်ှနိုင်ငံ စစ်တကောင်းတောင်တန်း ဒေသ၌ ဒေသခံ ဗုဒ္ဓဘာသာဝင် သက်၊ မရမာ လူမျိုးများနှင့် မြေပြန့်ဒေသမှ ရောက်ရှိလာသော အစ္စလမ်ဘာသာဝင်များအကြား အဓိကရုဏ်း ဖြစ်ပွားခဲ့ရာ လူ ၃ ဦးသေဆုံးပြီး ဒေသခံ ၃၀၀ ကျော် ပျောက်ဆုံးနေကြောင်း၊ ဗုဒ္ဓဘာသာဝင်များ နေထိုင်သည့် ကျေးရွာ ၄ ရွာနှင့် ဘုန်းတော်ကြီး ကျောင်း တကျောင်း မီးရှို့ခံခဲ့ရကြောင်း၊ ဘင်္ဂလားစစ်တပ်က ပုဒ်မ ၁၄၄ ထုတ်ထားကြောင်း သိရသည်။ ထိုဒေသ၌ အခြေချ နေထိုင်ရန်ရောက်ရှိလာသော အစ္စလမ်ဘာဝင်များက ဒေသခံ ဗုဒ္ဓဘာသာဝင်များ၏ လယ်မြေများကို အတင်းဝင်ရောက် လုပ်ကိုင်ရာမှ မကျေနပ်ကြဘဲ အထိကရုဏ်း စတင်ဖြစ်ပွားခဲ့ခြင်း ဖြစ်သည်။

ယမန်နေ့ မြန်မာနှစ်သစ်ကူး နှစ်ဆန်း ၁ ရက်နေ့မှစ၍ NLD နှင့် ပြည်တွင်းမှ ဒီမိုကရေစီအရေး လှုပ်ရှားသူများက နိုင်ငံရေးအကျဉ်းသားများ လွတ်မြောက်ရေးအတွက် လက်မှတ်ရေးထိုး တောင်းဆိုမှုကို စတင်လိုက်သည်။ တောင်းဆိုချက်နှင့် လက်မှတ်များကို သမ္မတ ဦးသိန်းစိန်ထံ ဧပြီလ ၂၂ ရက်နေ့တွင် ပေးပို့မည်ဟု သိရသည်။

ဒေါ်အောင်ဆန်းစုကြည်သည် အမေရိကန်က စေလွှတ်ရန် အဆိုပြုထားသည့် အထူးကိုယ်စားလှယ် မစ္စတာ ဒဲရစ် မစ်ချယ် အပေါ် မျှော်လင့်ချက်ထားကြောင်း၊ သတိရှိရှိဖြင့် အပြုသဘောမြင်ကြောင်း ပြောသည်။ မစ္စတာ ဒဲရစ် မစ်ချယ်၏ တာဝန်အနေဖြင့် မြန်မာနိုင်ငံ ဒီမိုကရေစီ အသွင်ပြောင်းရေးတွင် ချောမွေ့ရန်နှင့် တတ်နိုင်သမျှ မြန်ဆန်မှု ရှိစေရန်ဖြစ်သည်ဟု မြင်ကြောင်း ဒေါ်အောင်ဆန်းစုကြည်က ပြောသည်ဟု အေပီသတင်းတပုဒ်တွင် ဖော်ပြထားသည်။

မြန်မာနိုင်ငံသည် ၂၀၁၄ ခုနှစ်တွင် အာဆီယံ အလှည့်ကျ ဥက္ကဋ္ဌရာထူးကို ယူရန် ပြင်ဆင်နေကြောင်း သိရသည်။ အင်ဒိုနီးရှားနိုင်ငံ ဂျကာတာမြို့တွင် မေလ ၇ နှင့် ၈ တွင် ကျင်းပမည့် စည်းဝေးပွဲ၌ မြန်မာအနေဖြင့် ၂၀၁၄ အာဆီယံဥက္ကဋ္ဌ ရာထူး ယူရေး မယူရေးကို အာဆီယံနိုင်ငံများက ဆုံးဖြတ်ကြဖွယ်ရှိကြောင်း The Nation သတင်းစာတွင် ရေးသားထားသည်။ ၂၀၀၄ ခုနှစ်တွင် မြန်မာစစ်အစိုးရက ပြည်တွင်းရေးရာ ကိစ္စများကြောင့်ဟု အကြောင်းပြကာ အာဆီယံ အလှည့်ကျ ဥက္ကဋ္ဌရာထူးကို ငြင်းပယ်ခဲ့သည်။

ထိုင်းနိုင်ငံ ချင်းမိုင်မြို့၌ ပထမအကြိမ် မြန်မာ့ရိုးရာ သင်္ကြန်ရေသဘင်ပွဲတော်အား ချင်းမိုင်ရောက် မြန်မာနိုင်ငံသားများ၊ အနုပညာရှင်များက သင်္ကြန်အကြိုနေ့ ဧပြီ ၁၃ ရက်နေ့တွင် သင်္ကြန်သီချင်းများ၊ ရိုးရာအကများဖြင့် ချင်းမိုင်မြို့ကို လှည့်လည် ဖျော်ဖြေကြမည်ဖြစ်သည်။ ဧပြီ ၁၁ ရက်နေ့ကလည်း ချင်းမိုင်တက္ကသိုလ် ပန်းချီပြတိုက်တွင် မြန်မာနိုင်ငံသား များက သင်္ကြန်အကြို ဖျော်ဖြေပွဲကျင်းပခဲ့သည်။ ဧပြီ ၁၃ ရက်နေ့တွင်ပင် ထိုင်း၊ မြန်မာ၊ လာအို၊ ကမ္ဘောဒီးယား နိုင်ငံသားများက ရိုးရာ ၀တ်စုံ၊ သီချင်းများသီဆိုကာ ထိုင်းနိုင်ငံ ချင်းမိုင်မြို့အားလှည့် ယာဉ်ပြိုင်မည်ဖြစ်ပြီး အကဲဖြတ်အဖွဲ့များက အမှတ်ပေး စနစ်ဖြင့် အမှတ်ပေး ကာ ဆုရရှိသည့်အဖွဲ့ကို ဆုပေးသွားမည်ဖြစ်ကြောင်း သိရသည်။

ထိုင်း-မြန်မာ နယ်စပ် ဒုက္ခသည် စခန်းများရှိ မြန်မာဒုက္ခသည် ၁ သိန်းကို ပြန်ပို့ရန် ထိုင်းအစိုးရက မြန်မာအာဏာပိုင်များနှင့် ဆွေးနွေးနေကြောင်း သိရသည်။ မည်သည့်အချိန်တွင် ပြန်ပို့မည်ကို အတိအကျ မသိရသော်လည်း ဒုက္ခသည်စခန်းများကို ပိတ်ပစ်မည်ရန် အစီအစဉ်ရှိသည်ဟု ထိုင်းအရာရှိတဦးကို ကိုးကား၍ သတင်းများက ဖော်ပြသည်။ ထိုင်းမြေပေါ်တွင် အနှစ် ၂၀ ကြာ ရောက်ရှိနေကြသော မြန်မာဒုက္ခသည်များကို ကြည့်ရှုစောင့်ရန် ထိုင်းအတွက် ဝန်ထုပ်ဝန်ပိုးဖြစ်သည်ဟု အဆိ်ုပါ အရာရှိက ပြောထားသေးသည်။

မြန်မာနှင့် မြောက်ကိုရီးယား နိုင်ငံတို့ ၏ ဆက်ဆံရေး တိုးမြှင့်နေမှုနှင့် ပတ်သက်ပြီး လွှတ်တော်သို့ စုံစမ်းတင်ပြရန် အမေရိကန် အထက် လွှတ်တော်အမတ် ရစ်ချတ် လူဂါ (Richard Lugar) က သမ္မတ အိုဘားမားကို တိုက်တွန်းတောင်းဆိုလိုက်သည်။ မြောက်ကိုရီးယားက မြန်မာကို စစ်လက်နက် ပစ္စည်း အပါအ၀င် နည်းပညာများ ပေးအပ်နေသည့် လုပ်ရပ်ကို မျက်ချည်မပြတ် အသေးစိတ် သိရှိရန် အာရုံစိုက်သင့်သည်ဟု အထက်လွှတ်တော် နိုင်ငံခြားဆက်ဆံရေး ကော်မတီဝင် ရီပတ်ဘလစ်ကန် အမတ် ရစ်ချတ် လူဂါ က ပြောဆိုကြောင်းလည်း သိရသည်။

စင်္ကာပူ နိုင်ငံခြားရေးဝန်ကြီး ဂျော့ယိုးက လူသား အရင်းအမြစ် ဖွံ့ဖြိုးရေး ရည်ရွယ်ချက်ဖြင့် မြန်မာနိုင်ငံကို ဆက်လက် အထောက် အပံ့ပြုသွားမည် ဖြစ်ကြောင်း ပြောဆိုလိုက်သည်။ အာဆီယံနိုင်ငံခြားရေး ၀န်ကြီးများ၏ အရှေ့အာရှဆိုင်ရာ ထိပ်သီးဆွေးနွေးပွဲ အ လွတ်သဘောတွေ့ဆုံရာတွင် မြန်မာ နိုင်ငံခြားရေး ၀န်ကြီး ဦးဝဏ္ဏမောင်လွင်အား မစ္စတာ ဂျော့ယိုး က ယင်းသို့ ပြောဆိုလိုက်ခြင်းဖြစ်ကြောင်း သိရသည်။

သမ္မတ ဦးသိန်းစိန်သည် မကြာမီကာလတွင် သတင်းစာရှင်းလင်းပွဲတရပ်ကို ပြုလုပ်သွားမည်ဖြစ်ကြောင်း ပြန်ကြားရေးဝန်ကြီးဌာန အသိုင်းအ၀ိုင်းက ပြောသည်။ သတင်းစာရှင်းလင်းပွဲကို နေပြည်တော်ရှိ သမ္မတအိမ်တော်တွင် ပြုလုပ်မည်ဖြစ်ပြီး ပြည်တွင်း၊ ပြည်ပ သတင်းစာဆရာများကိုလည်း ဖိတ်ကြားမည်ဟု သိရသည်။

ရန်ကုန်မြို့ရှိ ရေကစားမဏ္ဍပ်ကြီးများတွင် CCTV လုံခြုံရေးကင်မရာများကို ကျပ်သိန်း ၅၀ အထိ အကုန်အကျခံ တပ်ဆင်နေသည့်တိုင် ရေကစားရန် စာရင်းသွင်းသူ နေပါးနေကြောင်း သိရသည်။ ယမန်နှစ်က မင်္ဂလာတောင်ညွန့်မြို့နယ် ကန်တော်ကြီးပတ်လမ်းရှိ X2O ရေကစား မဏ္ဍပ်တွင် ဗုံးပေါက်ကွဲမှု သုံးခု ဆက်တိုက် ဖြစ်ပွားခဲ့သောကြောင့် လူ ၁၀ ဦး သေဆုံးကာ ၁၇၀ ကျော်ဒဏ်ရာ ရခဲ့သည်။