ရန်ကုန် NLD ရုံးချုပ်တွင် လူငယ်များ ဖွံ့ဖြိုးတိုးတက်စေရေး ရည်ရွယ်ချက်ဖြင့် ငွေကြေး မတတ်နိုင်သူများအတွက် အင်္ဂလိပ်စာ သင်တန်း ဖွင့်လှစ်မည် ဖြစ်ကြောင်း သိရသည်။ သင်တန်းကာလ ၃ လ ကြာသင်ကြားမည့် ယင်းသင်တန်းကို မေလ ၆ ရက်နေ့၌ စတင်မည်ဖြစ်ပြီး တပတ်လျှင် ဗုဒ္ဓဟူး နှင့် သောကြာ နေ့များတွင် နံနက် ၉း၃၀ ခွဲမှ ၁၁ နာရီအထိ၂ရက် သင်ကြားမည်ဖြစ်ကြောင်း၊ သင်တန်း တက်ရောက်လိုသူများသည် မေလ ၄ ရက်နောက်ဆုံး စာရင်းပေးရမည်ဖြစ်ကြောင်း NLD က ပြောသည်။

အမျိုးသားဒီမိုကရေစီ အဖွဲ့ချုပ် (NLD) က တောင်သူလယ်သမား ပညာပေးသင်တန်း အပတ်စဉ် (၁) ဒုတိယအကြိမ်ဖွင့်ပွဲ အခမ်းအနားကို အဖွဲ့ချုပ်ရုံးတွင် ယမန်နေ့က ကျင်းပပြီး ဒေါ်အောင်ဆန်းစုကြည်က အမှာစကားပြောသည်။ ယင်းသင်တန်းသို့ ကချင်ပြည်နယ်၊ ရခိုင်ပြည်နယ်၊ မကွေးတိုင်း အပါအဝင် ပြည်နယ်နှင့်တိုင်း ၉ ခုမှ လယ်ယာလုပ်ငန်း လုပ်ကိုင်သူ အမျိုးသား၊ အမျိုးသမီး ၄၉ ဦးတက်ရောက်သည်။

အမေရိကန်ရောက် မြန်မာများ စုပေါင်းပေးအပ်သည့် ဒုတိယအကြိမ်မြောက် ပြည်သူ့ဂုဏ်ရည်ဆုအတွက် ဆန်ခါတင် ၅ ဦးမှာ ကိုဇာဂနာ၊ မဖြူဖြူသင်း၊ ရှေ့နေ ဦးဖိုးဖြူ၊ NLD လူမှုအထောက်အကူပြု အဖွဲ့နှင့် အကျဉ်းကျ သံဃာနှင့် သီလရှင်များကို အကူအညီပေးနေသည့် ဒေါ်ရှုတ်ို့ဖြစ်ကြောင်း ပြည်သူ့ဂုဏ်ရည် ဝက်ဘ်ဆိုဒ်တွင် ဖော်ပြထားသည်။ ယင်းဝက်ဘ်ဆိုဒ်တွင်ပင် ဆန္ဒမဲ ပေးနိုင်ကြပြီး ဆုရရှိသူကို မေလ ၁၅ ရက်တွင် ကြေညာမည်ဖြစ်သည်။ ယခုနှစ်အတွက် အမေရိကန် ဒေါ်တာ ၁ သောင်းအထိ တိုးမြှင့် ဆုချီးမြှင့်မည်ဟု သိရသည်။

သမ္မတ ဦးသိန်းစိန် ခေါင်းဆောင်သည့် အစိုးရသစ်က အကျဉ်း သား တချို့ကို လွတ်ငြိမ်းချမ်းသာခွင့်ဖြင့် လွှတ်ပေးရန်ပြင် ဆင်နေကြောင်း သိရှိရသည်။ ယင်းအစီအစဉ် အား သမ္မတ ဦးသိန်းစိန် ၏ ပထမ အကြိမ် ခရီးစဉ်ဖြစ်သော ကြာသပတေးနေ့ ၌ သွားရောက်မည့် အင်ဒိုနီးရှား နိုင်ငံ ခရီးစဉ်နှင့် အချိန်ကိုက် ပြုလုပ်ဖွယ်ရှိကြောင်း၊ သို့သော် လွတ်ငြိမ်းချမ်းသာခွင့် အစီအစဉ် ၌ နိုင်ငံရေးအကျဉ်း သားများ ပါဝင်ခြင်း ရှိမရှိ ဆိုသည် ကို ရှင်းလင်းစွာ မသိရှိရကြောင်း အစိုးရ အရာရှိတဦးအား ကိုးကား၍ AFP သတင်းတွင် ရေး သား ထားသည်။ ဦးသိန်းစိန်သည် မေ ၇ – ၈ ရက် ၌ အင်ဒိုနီးရှား နိုင်ငံ ဂျကာတာမြို့တွင် ကျင်းပသည့် ၁၈ ကြိမ်မြောက် အာဆီယံ ထိပ်သီး အစည်းအဝေးသို့ တက်ရောက်ရန် ရှိကြောင်း သိရသည်။

ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်က အမျိုးသားထောက်လှမ်းရေး အဖွဲ့ (NIB) ကို ဖွဲ့စည်းကာ အကြီးအကဲတာဝန်ကို စတင်ထမ်းဆောင်နေပြီ ဖြစ်ကြောင်း သတင်းရရှိသည်။ ပြည်တွင်း နိုင်ငံရေးနှင့် လုံခြုံရေးကိစ္စများကို အထူးစုံစမ်းစစ်ဆေးမည့် NIB အတွက် ဗိုလ်ချုပ်ကြီး မင်းအောင်လှိုင်က ကာကွယ်ရေး ၀န်ကြီးဌာနမှ စစ်တပ်အရာရှိ ၂၀၀ ကျော်ကို ခေါ်ယူ တာဝန်ပေးအပ်ခဲ့သည်ဟုလည်း သိရသည်။

မြန်မာနှင့် ဘင်္ဂလားဒေ့ရ်ှတို့ နှစ်နိုင်ငံ စစ်ရေးပူးပေါင်း ဆောင်ရွက်မှု မြှင့်တင်ရန် သဘောတူလိုက်သည်ဟု သိရသည်။ နှစ်နိုင်ငံဆက်ဆံရေးနှင့် ပူးပေါင်းဆောင်ရွက်ရေးများ တိုးမြှင့်ရန် လေတပ်ဦးစီးချုပ် ဒု ဗိုလ်ချုပ်ကြီး မြတ်ဟိန်းက ယင်း၏ ၆ ရက်ကြာခရီးစဉ်အတွင်း ဘင်္ဂလားဒေ့ရှ် သမ္မတ ဇီလာရာမန်နှင့် တွေ့ဆုံစဉ် သဘောတူခဲ့ခြင်း ဖြစ်သည်။ သမ္မတ ရာမန်ကလည်း ကလည်း နှစ်နိုင်ငံစစ်ရေး ပူးပေါင်းဆောင်ရွက်မှု တိုးမြှင့်ရန် စိတ်ဝင်စားကြောင်း ပြောဆိုပြီး ဒု ဗိုလ်ချုပ်ကြီး မြတ်ဟိန်းက အနာဂတ်တွင် မြန်မာတပ်များကို ဘင်္ဂလားဒေ့ရ်ှတွင် သင်တန်းများ ပေးလိုကြောင်း ပြောသည်ဟု သိရသည်။

နေပြည်တော်ခရိုင်အတွင်း ၀က်နားရွက်ပြာရောဂါ ဖြစ်ပွားနေ သည့်အတွက် ၀က်များရောင်းဝယ်ရာတွင် မွေးမြူရေးနှင့် ကုသရေး ဦးစီးဌာန(မွေး/ကု) ၏ ကျန်းမာကြောင်း ထောက်ခံ ချက် ယူရမည်ဖြစ်ကြောင်း သတင်းရရှိသည်။ နေပြည်တော် တွင် ၀က် နားရွက်ပြာ ရောဂါ ဖြစ်ပွားမှု ထောင်ဂဏန်း ရှိပြီး သေဆုံးမှု ရာဂဏန်းခန့်ရှိကြောင်း ဒေသခံ ၀က်မွေးမြူသူများက ပြောသည်။ ဧပြီ ၁၉ ရက်က ပျဉ်းမနားမြို့နယ် မွေး/ကု ဌာနတွင် ပြုလုပ်သည့် ၀က်နားရွက်ပြာ ရောဂါအကြောင်း ပညာပေးဟောပြော ပွဲ၌ မွေး/ကု ဦးစီးဌာန ဒု ညွှန်ချုပ် ဒေါက်တာ အောင်ကြီးက နေပြည်တော်ခရိုင်တွင် ၀က်နားရွက်ပြာ ရောဂါ ဖြစ်ပွားနေကြောင်း တရားဝင်ပြော ကြားသည်။

မန္တလေးမြို့မှ “စိမ်းရောင်စို” သဘာဝပတ်ဝန်းကျင် ထိန်းသိမ်းရေးလှုပ်ရှားမှု အဖွဲ့နှင့် မန္တလေးမြို့ခံ ပြည်သူများက လာမည့် မေ လ ပထမ အပတ်မှစတင်ကာ အပတ်စဉ် တနင်္ဂနွေနေ့တိုင်း မြို့ဧ။် သတ်မှတ်နေရာများတွင် သစ်ပင် ပန်းပင် စိုက်ပျိူးမှုများ ပြုလုပ်သွားမည်ဟု သတင်းရရှိသည်။ ပြီးခဲ့သည့်နှစ်များကလည်း ဘုတလင်၊ ကျောက်ဆည်၊ ပေါင်းလောင်း၊ အင်းဝ၊ တံတားဦး၊ညောင်ကန် စသည့်ဒေသများတွင် သစ်ပင် ပန်းပင်များ ထောင်ကျော် စိုက်ပျိူးပေးနိုင်ခဲ့သည်ဟု စိမ်းရောင်စို အဖွဲ့ဝင် တဦးက ပြောသည်။

ရခိုင်ပြည်နယ် ကျောက်ဖြူမြို့နယ်ရှိ ဆိပ်ကမ်းတချို့၌ အာဏာပိုင်များက အခွန်အခများ မတန်တဆ ကောက်ခံနေကြကြောင်း သိရသည်။ ကျောက်ဖြူမြို့၏ ဆိပ်ကမ်းအများစုတွင် ဆိပ်ကပ်ခွန်၊ စည်ပင်ခွန် စသည့်အခွန်နှုန်းထားများကို ကောက်ခံ နေခြင်း ဖြစ်ကြောင်း၊ ပြီးခဲ့သည့်ရက်ပိုင်းမှစတင်၍ ဂျပန်မ ဆိပ်ကမ်းသို့ အ၀င်အထွက် ပြုလုပ်သူတဦးလျှင် အ၀င်၂၀၀ ကျပ် ၊ အထွက် ၂၀၀ ကျပ် ကောက်ခံနေသည့်အတွက် အခက်အခဲဖြစ်နေကြကြောင်း ဒေသခံများက ပြောသည်။

ဒေါ်အောင်ဆန်းစုကြည် က ပြည်တွင်းပြည်ပ သတင်းသမားများတွေ့ဆုံခွင့်ကို ယာယီရပ်ဆိုင်းထားကြောင်း NLD သတင်းနှင့်ပြန်ကြားရေးမှ ဦးသိန်းဦးက ပြောသည်။ ဒေါ်အောင်ဆန်းစုကြည်သည် များပြားလှသည့် လုပ်ငန်းတာဝန်များကြောင့် တွေ့ဆုံခွင့်ပြုထား ပြီးသူများကိုသာ လက်ခံတွေ့ဆုံမည်ဖြစ်ပြီး အသစ်များကို ဇွန်လ ကုန်မှ ပြန်လည် တွေ့ဆုံမည်ဖြစ်ကြောင်း သိရသည်။