တောင်သူလယ်သမားများ၏ အခက်အခဲများကို ကူညီဖြေရှင်းရန် ဒေါ်အောင်ဆန်းစုကြည်သည် တောင်သူလယ်သမားများနှင့် တွေ့ဆုံဆွေးနွေးပွဲကို ဧပြီလ ၂၆ ရက်နေ့က ပြုလုပ်ခဲ့ပြီး၊ လယ်ယာလုပ်ငန်းတွင် ဓာတုဆေးများကို မှန်ကန်စွာ အသုံးချတတ်စေရေးနှင့် တောင်သူလယ်သမားဘ၀ မြှင့်တင်ရေး ပညာပေး ရက်တိုသင်တန်းကို ဧပြီလ ၂၇ ရက်နေ့မှ ဧပြီလ ၂၉ ရက်နေ့အထိ ပြုလုပ်လျက်ရှိသည်။ ပညာပေး သင်တန်းအတွက် မြန်မာတပြည်လုံးရှိ တောင်သူလယ်သမားများကို ဖိတ်ခေါ်ခဲ့ပြီး NLD အဖွဲ့ဝင် အစိုက်ပျိုးရေးပညာရှင်များက သင်တန်းပို့ချပေးမည်ဖြစ်ကြောင်း၊ ကျန်ပြည်နယ်နှင့်တိုင်း ၉ ခုမှ တောင်သူလယ်သမားများအား မေလ ၁ ရက်နေ့မှ မေလ ၄ ရက်နေ့အထိ ဆက်လက် သင်ကြားပေးမည် ဖြစ်ကြောင်း သိရသည်။

ပန်းချီဆရာ ၁၃၀ ကျော်တို့၏ ရေဆေး၊ ဆီဆေး ပန်းချီကား စုစုပေါင်း ၁၄၆ ကားပါဝင်သည့် ပန်းချီပြပွဲကို ရန်ကုန်မြို့ ကိုယ့်မင်းကိုယ့်ချင်း လမ်းရှိ ပန်းချီပန်းပု ခန်းမ၌ ဧပြီလ ၂၅ ရက်မှ ၂၉ ရက်နေ့အထိ ခင်းကျင်းပြသမည်ဖြစ်ကာ ပန်းချီကားရောင်းရသည့် ငွေအားလုံးကို ရခိုင်ပြည်နယ်အတွင်းရှိ ဂီရိလေဘေးသင့် ပြည်သူများ၏ သောက်သုံးရေ ရရှိရေးအတွက် ရေတွင်း၊ ရေကန်များ တူးဖော်ရန် လှူဒါန်းမည်ဟု သိရသည်။ ပန်းချီကားတကား၏ အမြင့်ဆုံးဈေးနှုန်းမှာ အမေရိကန်ဒေါ်လာ ၂၀၀၀၊ အနိမ့်ဆုံးဈေးမှာ ကျပ် ၅ သောင်း ဖြစ်သည်။

သမ္မတ ဦးသိန်းစိန်ကို နိုင်ငံရေး၊ စီးပွားရေးနှင့် ဥပဒေရေးရာတို့အတွက် အကြံပေးအဖွဲ့ကို အဖွဲ့ဝင် ၉ ဦးဖြင့် ဖွဲ့စည်းလိုက်ကြောင်း သိရသည်။ ယင်းသို့ အကြံပေးအဖွဲ့ ဖွဲ့စည်းခြင်းကို ဧပြီလ ၁၉ ရက်နေ့တွင် အမိန့်ကြော်ငြာစာ ထုတ်ပြန်ခဲ့ကြောင်းလည်း သိရှိရသည်။ စီးပွားရေး အကြံပေးအဖွဲ့တွင် ဒေါက်တာ ဦးမြင့်၊ ဦးဆက်အောင်၊ ဒေါက်တာ တင်လှဗိုလ်၊ နိုင်ငံရေး အကြံပေးအဖွဲ့တွင် ဦးကိုကိုလှိုင်၊ ဒေါက်တာ နေဇင်လတ်၊ ဦးရဲတင့်၊ ဥပဒေ အကြံပေးအဖွဲ့တွင် အငြိမ်းစား ရဲမှူးကြီး စစ်အေး၊ ဒေါ်ခင်မျိုးမြင့်၊ ဦးသန်းကျော်တို့ဖြစ်ကြောင်း VOA သတင်းတွင် ဖော်ပြထားသည်။

ရန်ကုန်တိုင်းဒေသကြီးအတွင်းရှိ ကြွပ်ကြွပ်အိတ်မျိုးစုံနှင့် ပလတ်စတစ်ကြိုး ထုတ်လုပ်သည့် ပလတ်စတစ်စက်ရုံ လုပ်ငန်းများ ပိတ်သိမ်းရမည်ဖြစ်ကြောင်း ယနေ့ထုတ် မြန်မာ့အလင်းသတင်းစာတွင် ဖော်ပြထားသည်။ သက်ဆိုင်ရာ မြို့နယ်စည်ပင်သာယာရေး ရုံးများက ဧပြီလ ၂၁ ရက်နေ့ကတည်းက ထိုသို့ ပိတ်သိမ်းရန် အကြောင်းကြားထားခြင်းဖြစ်ပြီး လိုက်နာခြင်းမပြုပါက အရေးယူမည်ဟု ဆိုသည်။ စတိုးဆိုင်၊ ကုန်စုံဆိုင်များသည်လည်း ကြွပ်ကြွပ်အိတ်၊ ပလတ်စတစ်ကြိုးများ သိုလှောင်၊ ရောင်းချခွင့် မပြုဟုကြောင်း၊ မလိုက်နာလျှင် လုပ်ငန်းလိုင်စင် သိမ်းမည်ဖြစ်ကြောင်း သိရသည်။

ကြံ့ဖွံ့ပါတီ မှ လွှတ်တော်ကိုယ်စားလှယ်များသည် ရခိုင်ပြည်နယ် မြေပုံ၊ ပေါက်တော၊ မောင်းတော စသည့်မြို့နယ်များမှ ပြည် သူများအား ၎င်းတို့ပါတီ၏ လုပ်ဆောင်ချက်များ၊ အစိုးရသစ်၏ လုပ်ဆောင်ပေးမည့် အစီအစဉ်များနှင့် ပတ်သက်၍ စည်းရုံးမှု များ စတင်နေကြောင်း ဒေသခံများက ပြောသည်။ ကြံ့ဖွံ့ပါတီ အမတ်များက ဒေသခံပြည်သူများအား အကျွေးအမွေး အစီ အစဉ် များဖြင့် ယနေ့မှစ၍ ဆက်တိုက်လုပ်ဆောင်သွားမည် ဖြစ်ကြောင်း၊ မြို့နယ်အာဏာပိုင်များ၊ ရပ်ကွက် ကျေးရွာ အာဏာ ပိုင်များကလည်း ပါဝင်ကူညီမည်ဖြစ်ကြောင်း သိရသည်။

ထိုင်း နိုင်ငံ ပြည်သူ့ဆက်ဆံရေး ဌာန(PRD) နှင့် မြန်မာနိုင်ငံ ပြန်ကြားရေး ၀န်ကြီးဌာန မြန်မာ့ အသံနှင့် ရုပ်မြင်သံကြား (MRTV) တို့ သတင်းပြန်ကြားရေးနှင့် ရုပ်သံ ထုတ်လွှင့်ခြင်းများ ပူးပေါင်းဆောင်ရွက်ရေး နားလည်မှုစာချွန်လွှာ ကို ယမန်နေ့က နေပြည်တော်၌ လက်မှတ် ရေးထိုးကြသည်။ ပြန်ကြားရေး ဒု ၀န်ကြီး ဦးစိုးဝင်းအား ထိုင်း ပြည်သူ့ဆက်ဆံရေး ညွှန်ကြားရေး မှူးချုပ် Mr. Grisanaporn Soempanich ခေါင်းဆောင်သော ကိုယ်စားလှယ်အဖွဲ့က လာရောက်တွေ့ဆုံ၍ နှစ်နိုင်ငံ သတင်း ပြန်ကြားရေးနယ်ပယ် ပိုမို မြှင့်တင်ဆောင်ရွက်သွားနိုင်ရေး အတွက် ဆွေးနွေးကြကြောင်း ယနေ့ထုတ် မြန်မာ့အလင်း သတင်းစာ၌ ဖော်ပြထားသည်။

ရုပ်ရှင်သရုပ်ဆောင် ကျော်သူ ဦးဆောင်သော နာရေးကူညီမှုအသင်း (ရန်ကုန်) ၏ ၁၀ နှစ်ပြည့် အခမ်းအနားကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် က ဖဲကြိုးဖြတ် ဖွင့်လှစ်ပေးကာ အသင်းရန်ပုံငွေအတွက် အမေရိကန်ဒေါ်လာ ၁ သောင်း ၅ ထောင် ကိုလှူဒါန်းသွားကြောင်း သိရသည်။ ဒေါ်အောင်ဆန်းစုကြည်က နာရေးကူညီမှုအသင်း (ရန်ကုန်) ၏ မျက်စိခွဲစိတ်ကုသခန်းအတွက် အဆိုပါ အလှူငွေကို ရည်ရွယ်လှူဒါန်းခြင်း ဖြစ်ကြောင်း ကိုကျော်သူ၏ ဇနီးဖြစ်သူ ဒေါ်ရွှေဇီးကွက်က ပြောသည်။

အစိုးရသစ်က တရုတ်ကုမ္ပဏီ (NPCC) နှင့် ငလှိုင်တွင်း ဒေသတွင် လည်းကောင်း၊ စင်္ကာပူ အခြေစိုက် SNOG Pte. Ltd နှင့် ကရင်ပြည်နယ် မဲပလေဒေသတွင် လည်းကောင်း၊ ကိုရီးယားကုမ္ပဏီ KMDC နှင့် ရခိုင်ကမ်းလွန်တွင်လည်းကောင်း ရေနံနှင့် သဘာဝ ဓာတ်ငွေ့ ရှာဖွေတူးဖော်ရေးနှင့် ထုတ်လုပ်ရေးလုပ်ငန်းများ ပူးပေါင်းဆောင်ရွက်မည်ဟု သိရသည်။ ယင်း စီမံကိန်းများနှင့်ပတ်သက် ၍ ပြီးခဲ့သည့် သောကြာနေ့ကပြုလုပ်သော အထူးစီမံကိန်းများ အကောင်အထည်ဖော်ရေး အဖွဲ့ ညှိနှိုင်းအစည်းအဝေးတွင် စွမ်းအင် ၀န်ကြီးက ပြောဆိုလိုက်ခြင်း ဖြစ်သည်။

စွမ်းအားရှင်အဖွဲ့ကို“ပြည်သူ့လုံခြုံရေးအဖွဲ့”ဟူသော အမည်ဖြင့် အသွင်ပြောင်း ဖွဲ့စည်းရန် စီစဉ်နေကြောင်း သတင်းရရှိသည်။ ယင်းသို့ ပြန်လည် ဖွဲ့စည်းရခြင်းမှာ အတိုက်အခံ နိုင်ငံရေးသမားများကို နှိပ်ကွပ်ရန် နှင့် လူထုအုံကြွမှုများကို နှိမ်နင်းရန်အတွက် ပင် ဖြစ်ကြောင်း စစ်ဘက် ရေးရာ လုံခြုံရေးအဖွဲ့(စရဖ) အရာရှိ ကြီးတဦး က ပြောသည်။ ၂၀ဝ၇ ခုနှစ် စက်တင်ဘာလတွင် ဖြစ်ပွားခဲ့သော ရွှေဝါရောင် တော်လှန်ရေးတွင် နအဖ စစ်အစိုးရသည် စွမ်းအားရှင်များကိုလည်း အသုံးပြု၍ အကြမ်းဖက် နှိမ်နင်းမှု ပြုလုပ် ခဲ့သည်။

ပြည်နယ်နှင့် တိုင်းဒေသများတွင် ဒေသဆိုင်ရာ သတင်းစာများ ထုတ်ဝေရန် ပြန်ကြားရေး ၀န်ကြီးဌာနက သက်ဆိုင်ရာ အာဏာပိုင် များကို ညွှန်ကြားမည်ဖြစ်ကြောင်း သိရသည်။ ယင်း အစီအစဉ်သည် ပြန်ကြားရေးဝန်ကြီး ဦးကျော်ဆန်း က သမ္မတ ဦးသိန်းစိန် သို့ တင်ပြရာမှ ဖြစ်ပေါ်လာကြောင်း ပြန်ကြားရေးဝန်ကြီးဌာန ညွှန်ကြားရေးမှူး တဦးက ပြောသည်။